මව් දින සැමරුම
අම්මා යන නාමය ලොව උත්තරීතර නාමය යි . එය මිලකළ නොහැකි අමිල වු නාමයක් ද වේ . මව් පදවිය ලැබිම ඒ තරමට උතුම් වුවකි . අම්මා කෙනෙක් ලබා දෙන ආශිර්වාදය ද ඉතාමත් ශේෂ්ටය . අප ගෞතම බුදූ රජාණන් වහන්සේ ට බුදූවන්නට පෙර අම්මාගෙන් ලැබුන ආශිර්වාදය බුදූ බව ලබා ගැනිමට හේතු වු බව සදහන් වේ . එසේම බුදූ රජාණන් වහන්සේ දේශනා කර තිබෙන ආකාරයට සෑම මවක්ම සතර බ්‍රහ්ම විහරණයෙන් යුක්ත වේ . එනම් මෙත්තා , කරුණා , මුදිතා , සහ උපේක්ෂා යන ගුණ හතරින් යුක්ත වු මවකගේ ආශිර්වාදය ඉතාමත් ශේෂ්ට ය . බල සම්පන්න ය . බුද්ධ දේශනාවට අනුව ගෙදර බුදූන් ලෙස සලකන්නේ ද අම්මා ය .
අම්මා වෙනුවෙන් දිනයක් වෙන් කොට ඇයට එම දිනයේ පමණක් සැළකීම උචිත ද යන්න පිළිබදව මොහොතක් සිතා බලන්න . අම්මා කෙනෙක් දස මසක් කුස දරා සියලු වේදනා දූක් කම්කටොලු ඉවසා දරාගෙන දරුවා මේ ලෝකයට බිහි කරන්නේ මොනතරම් සෙනහසකින් ද ? මොනතරම් ආදරයකින් ද? එසේ මේ ලෝකයට බිහි කළ දරුවාට මුල්ම ආහාරය ලෙස ලබා දෙන්නේ ද තමන්ගේ රුහිරු කිරි බවට පත් කරම්න් මව් කිරි යි . මෙසේ මවගේ ලෙයින් පෙරළා මව් කිරි බවට පත් වෙමින් එයින් දරුවා පෝෂණය ලබයි . මෙසේ දරුවන් වෙනුවෙන් ඉතාමත් සෙනෙහසින් මහත් කරුණාවෙන් කාලය යෙද වු අම්මාට එක දිනයක් වෙන් කොට උපහාර කිරිම නොව තම දිවි තිබෙන තුරු ආරක්ෂා කර රෑක බලා ගැනීම දරුවකුගේ යුතුකමක් නොවන්නේ ද ?
ලෝක මව්වරුන්ගේ දිනය නමින් දිනයක් ප්‍රකාශයට පත් කර එදිනට පමණක් මවට තෑගි බෝග ලබා දෙමින් මව බැලීමට යාම ශ්‍රි ලංකාව වැනි බුදූ දහම ප්‍රතිෂ්ඨාපනය වු රටකට උචිත නොවේ . දරුවන් එනතුරු මහගෙදරට වි බලා සිටින මව්වරු කෙතෙක් සිටිද ? බොහෝ විට මව්වරුන් ගේ දිනය සැමරිම නාගරික වශයෙන් එක් දිනකට පමනක් සීමා වුවත් ග්‍රාමිය ජනතාව මව්වරුන්ට මව්වරුන් වෙනුවෙන් දිනයක් වෙන් කර තිබෙනවා දැයි පවා නොදනිති . ග්‍රාමිය ජනතාව තමා හැදූ වැඩු මවට දිනපතා ගරු සැළකිළි ලබා දෙමින් පෝෂණය කරමින් ආරක්ෂා කරන බැවිනි .
අතීතයේ මෙන් නොව වර්තමානයේ දි අම්මා යන පදවියට අහිතකර ක්‍රියා සිදූ නොවනවාම නොවේ . දරුවන් වැදූ මව්වරුන් සේම හැදූ මව්වරුන් ද සමාජයේ සිටිති . එසේ ම උපන් දවසේ ම දරුවන් මහ මග දමා යන මව්වරු ද නැතිවා නොවේ . එසේ අශිලාචාර ක්‍රියා කරන මව්වරු අතර ඉතා උතුම් මව්වරුන් ද ඒ අතර සිටිම අමතක නොකල යුතු ය . මව්වරුන්ට සැළකීම එක් දිනකට පමණක් සීමා නොකර දරුවන්ගේ යුතුකම මව්වරු සැමදා පෝෂණය කිරිම ය .
වර්තමානයේ අසන්න දකින්න ලැබෙන බොහෝ කරුණු අනුව වයස්ගත වු පසු මව්වරු මහ මග දමා යාම හෝ විවිධ වද හිංසාවන්ට ලක්විම දැක ගත හැකිය . මව්වරු තම දරුවන් පෝෂණය කර හදා වඩා හොදට උගන්වා යහපත් දරුවන් ලෙස සමාජයට දායාද කළ පසු අවසානයේ උරුම වන්නේ මහ මග හෝ වද හිංසා පමණක් ද ? මේ ඒ පිළිබදව සිතා බැලිය යුතු කාලයයි .
මව්වරුන්ගේ වටිනාකම , මව් සෙනෙහස , ආදරය මිනිසුන්ට පමණක් නොව අපා , දෙපා , සිව්පා ආදී සතුන්ටත් උරුම වුවකි . සතුන් අතරත් මව්වරු සිටිති . තම වල්ගයෙන් මුහුදේ ජලය ඉස දරුවා fබිරා ගැනීමට ක්‍රියා කළ ලේන් අම්මාගේ කතාව මීට කදිම උදාහරණයකි . ෂත්ව ලෝකයේ සතුන් අතරත් මව් සෙනෙහස දැකගත හැකිය . සෑම අම්මා කෙනෙකුගේම ප්‍රාර්ථනය වන්නේ තම දරුවා හොදින් සිටිනු දැකීමය .එසේ සිතන අම්මා වෙනුවෙන් දිනයක් වෙන් කර එදිනට පමණක් අම්මා බැලීමට යාම මොනතරම් අභාග්‍ය සම්පන්න තත්වයක්ද ?
වර්තමානයේ බොහෝ විට මව්වරුන්ගේ දිනය සැමරීම දක්නට ලැබෙන්නේ නාගරික ප්‍රදේශවලය . මේ සදහා ජනමාධ්‍ය ද ඔවුන්ගේ ජනප්‍රියත්වය මුල් කර ගනිමින් වාණිජකරණයට යොදාගෙන තිබෙන ආකාරය හදූනා ගත හැකියි . අම්මාට ලබා දෙන තෑගි බෝග පිළිබදව හෝ මව්වරුන් වෙනුවෙන් එදිනට ලබා දෙන දෙය ජනමාධ්‍ය මගින් ප්‍රකාශ කිරිම තුළින් එමගින් ජනතාවගේ අවධානය ලබා ගැනීමට සමත් වේ . මවගේ භූමිකාව හෙවත් මාතෘත්වය අද වෙළද භාණ්ඩයක් බවට පත්ව තිfබි . අම්මාගේ ගුණ කියා නිම කළ නොහැකි නමුත් අම්මා වර්තමානයේ දී වාණිජකරනයට හසු වි තිබෙන ආකාරය හදූනාගත හැකිය . මුදල් පසුපස හඹා යන සමාජයක මුදලට තම මව්වරු පවා වෙළද භාණ්ඩයක් කිරිමට වත්මන් සමාජය කටයුතු කර තිබිම කෙතරම් අභාග්‍යයක් ද ?
නිවසක ගෘහ මූලිකත්වය පියා විසින් දැරුව ද නිවසේ ශ්‍රියාකාන්තාව වන්නේ අම්මා ය . අම්මා නැති නිවස පාළු සොහොන් පිටියක් වැනිය . නිවසේ සියළු කටයුතු පිළිබදව සොයා බලන අම්මා නිවස ආලෝකමත් කරන පහනක් වැනි ය . මව්වරු වෙනුවෙන් මව් ගුණ ගී කෙතෙක් ලියවුනත් අම්මාට සළකන පිරිස ඒ අතරින් ඉතා අල්පය . අම්මා යන උතුම් පදවිය කාන්තාව ලබන උත්තරීතර පදවියකි . එය සෑම කාන්තාවකටම ලද නොහැක්කකි. හුණුවටයේ කතාවේ සදහන් වන පරිදි වැදූ මවට වඩා දරුවා හැදූ මවට මව් ගුණ මෙන්ම සැබැ මාතෘ සෙනෙහස තිබෙන බව සදහන් වේ . මවක් විසින් දරුවකු වැදූ පමනින් අම්මා යැයි කිව නොහැකිය .
වර්තමානයේ ඇතැම් මව්වරුන්ගේ ක්‍රියාවන් නිසා මාතෘත්වය පිළිබද විවිධ අදහස් සමාජයේ පැවතිය ද බොහෝ අම්මාවරු සැබැ මාතෘතවය ඇති බවද අමතක නොකළ යුතුය . මව්වරුන්ට දිනයක් වෙන් කර ඔවුන්
සිහි කිරිම නොව සැම දිනම තම මව්වරු සිහි කර ඔවුන්ට සැළකීම දරුවන්ගේ යුතුකමක් නොවන්නේ ද ?
බුදූන් වහන්සේ ද දේශනා කර තිබෙන්නේ මව්වරුන්ට සැළකීම ඉතාමත් යහපත් ගුණාංගයක් බවය . මව්වරුන්ට සැළකීමට , ගරු කිරිමට එක් දිනයකට සීමා නොවි තම හදවතින්ම මව්වරුන්ට සැළකීම සිදූ කරන්නේ නම් මව්වරු මෙන්ම දරුවන් ද එකට සිටින යහපත් සමාජයක් බිහි කිරිම අසීරු නොවේ . මව්වරුන්ගේ නෙතට කදූලක් නොඑන පරිදි රැක ගැනිම කළ නොහැකි කටයුත්තක් ද නොවේ . මව්වරුන් වෙනුවෙන් දිනයක් වෙන් කිරිම සුදූසු ද නැද්ද යන්න පිළිබදව මොහොතක් සිතන්න .
වටින අදහසක්
ReplyDelete